“ఈ మధ్య నేను సాయంత్రం కొట్టు కట్టేసి ఇంటికి వెళ్ళేటప్పుడు రోడ్లన్నీ నిర్మానుష్యంగా ఉంటున్నాయి.అది చూస్తే పల్లెటూరు జీవితం జ్ఞాపకానికి వస్తుంది. అది చూసి నవ్వాలో ఏడవాలో తెలియని పరిస్థితి.
నా చిన్నతనంలో పొలంలో పనిచేసి ఇంటికి తిరిగెళ్లేటప్పడు ప్రకృతిని ఆస్వాదించేవాడ్ని. కొన్ని రోజుల తరువాత ఈ లాక్డౌన్ ఉండదని తెలుసు. దీని వల్ల ప్రకృతికి దగ్గరగా ఉండే అవకాశం లభించింది.
మానవ జీవితాన్ని ప్రకృతికి అనుగుణంగా మలుచుకోవడమే దీనికి పరిష్కారం. నగరాల్లో ఉండే చాలా మంది ఈ పద్దితికి దూరంగా ఉన్నారనే చెప్పాలి. చాలా మంది ప్రకృతికి పూర్తి దూరంగా ఉన్నారు.
ఈ పరిస్థితుల్లో మనం చేయగలిగింది ఏమీ లేదు, మనుషులని ఒక తాటి మీదకి తెచ్చిందని సంతోషపడటమే. ఇప్పుడు అందరూ ఆలోచించేది ఒక్క విషయం గురించే పక్కవాడి ప్రాణం కాపాడటం. దీని వల్ల మనుషులు మాములు స్థితికి చేరి, మన ప్రాధాన్యతలను, మనుషులు చేయాల్సిన మంచి పనుల గురించి కూడా చెప్తుంది.జీవులుగా మనం కూడా కొంచం ఆలోచించాలి. మనం మన గురించే కాకుండా, పక్కన వాళ్ళ గురించి, ప్రపంచంలో ఒకరికొకరం ఎలా బాధ్యతగా ఉండాలి అనేది కూడా ఆలోచించాలి.దీని మనం ఒక మంచి అవకాశంగా చూడాలి.మన ప్రకృతిని గుర్తించడానికి, బాధ్యత కలిగిన మనుషులుగా మారడానికి ఇదే మంచి అవకాశం.”