“నాకు చిన్నప్పటి నుంచి పారిశ్రామికవేత్త అవ్వాలని ఉండేది.మా అమ్మా నాన్న ఇద్దరూ పారిశ్రామికవేత్తలే కాబట్టి, వాళ్ళ బాటని అనుసరించాలని ఉండేది.
నేను కాలేజీలో ఉన్నప్పుడు అనుకున్నా వాతావరణం మెరుగవడానికి నా వంతుగా ఏదో చేయాలి అని. డిగ్రీ తరువాత పర్యావరణ వనరుల నిర్వహణ లో పీజీ చేయడానికి న్యూజిలాండ్ వెళ్ళాను. అక్కడే నాకు వ్యర్ధ పదార్ధాల నిర్వహణ మీద ఓ బీజం పడింది. అక్కడ వాళ్ళు వాతావరణానికి హాని కలగకుండా, వివిధ రకాల అప్ సైక్లింగ్ మరియు రీ సైక్లింగ్ పద్దతుల ద్వారా రకరకాల వ్యర్ధ పదార్థాలను నిర్వహించడం గమనించాను. నాకు ఆ ఆలోచన కొత్తగానూ, వినూత్నంగాను అనిపించింది. వ్యాపారంలోకి దిగడానికి ఇదే మంచి మార్గం అనిపించింది.
2015లో చదువు పూర్తిచేసి ఇండియా తిరిగొచ్చాను. పర్యావరణ సమస్యలకి పరిష్కారం చూపించడానికి సొంతంగా కంపెనీ పెట్టాలని అనుకున్నా కానీ, ఏం చేయాలి, ఎలా చేయాలి అనేది అర్థం కాలేదు.మొదట్లో నేను ప్లాస్టిక్ వ్యర్థాలు, ఘన వ్యర్ధాల వైపు దృష్టి సారించాలి అనుకున్నా. కానీ ఆంధ్ర యూనివర్సిటీ లో మా ప్రొఫెసర్ ఒకరు ఈ-వేస్ట్ మానేజ్మెంట్ గురించి ఆలోచించమని చెప్పారు. ఈ-వేస్ట్ మానేజ్మెంట్ కి మంచి భవిష్యత్తు ఉంటుంది అన్నారు. ఎందుకంటే ఎలక్ట్రానిక్ వస్తువుల వాడకం, ఉత్పత్తి రానున్న రోజుల్లో పెరుగుతాయి, పైగా వాటికి ప్రత్యామ్నాయం కూడా లేవు.అందుకని ఈ-వేస్ట్ మానేజ్మెంట్ లో దిగాను. నేను కంపెనీ పెట్టిన రోజుల్లో, కేంద్ర ప్రభుత్వం కూడా ఈ-వేస్ట్ మానేజ్మెంట్ రూల్ పెట్టింది. ఆంధ్ర ప్రదేశ్ లో ఈ-వేస్ట్ మీద పని చేసే కంపెనీ వేరేది లేదని తెలుసుకున్నా.
2015 లో హైదరాబాద్ లో నిర్వహించిన వేస్ట్ మానేజ్మెంట్ సమ్మిట్ లో ఎంతో మంది పర్యావరణవేత్తలని, వేస్ట్ మానేజ్మెంట్ మీద పనిచేసే వాళ్ళని కలిశాను. దీని వల్ల నా ఆలోచనలకి ఒక రూపం ఇచ్చే అవకాశం లభించింది. దాని వల్ల 2015 లో విశాఖపట్నం లో గ్రీన్ వేవ్స్ ఎన్విరాన్మెంటల్ సొల్యూషన్స్ సంస్థని నెలకొల్పాను. ఆర్థిక వ్యూహాలు రచించడానికి, ఫ్యాక్టరీలతో సంబంధాలు ఏర్పరుచుకోవడానికి మాకు ఆరు నెలలు సమయం పట్టింది. ఎలక్ట్రానిక్ వ్యర్థాలను జాగ్రత్తగా వదిలించడమే మా ధ్యేయం అని చెప్పగానే జనాల నుంచి అనుకున్నంత మంచి స్పందన రాలేదు. జనాలు అందరూ ఒకేలాగా ఆలోచించరు కదా. ఈ-వేస్ట్ ని స్క్రాప్ డీలర్స్ కి ఏమందాం ద్వారా వాళ్ళు పర్యావరణానికి ఎంతో కీడు చేస్తున్నారు అని చాలా మంది తెలుసుకోవాలి. ప్రజలకి అవగాహన కల్పించడం కోసం, ఈ-వేస్ట్ తీసుకుని దానికి బదులుగా వాళ్ళకి బహుమతులు ఇస్తాం. ఈ-వేస్ట్ ని జాగ్రత్తగా భద్రపరచడానికి మేము ప్రత్యేకమైన కుండీలను ఏర్పాటు చేశాము. ఈ-వేస్ట్ ని సరిగా పారేయకపోతే పర్యావరణానికి పెద్ద ముప్పని కొంత మంది వాలంటీర్ల సహాయంతో ప్రజలకి అవగాహన కల్పిస్తున్నాం.
అలా మేము సేకరించిన వ్యర్థాలని విభజించి, క్రమబద్దీకరిస్తాం. ప్రత్యేకమైన పదార్థాలను నమోదు చేసుకున్న ఈ-వేస్ట్ రీసైక్లర్స్ దగ్గరికి పంపుతాం, ప్లాస్టిక్ ముక్కలు, గ్లాస్ ముక్కలను సెకండరీ రీసైక్లింగ్ పరిశ్రమకి పంపుతాం.మేము ఈ వ్యాపారం లో దిగి ఐదు సంవత్సరాలు అయ్యింది. ఇప్పటి వరకూ మూడు నగరాల్లో కలిపి 500 టన్నుల ఈ-వేస్ట్ ని రీసైకిల్ చేశాం.మేము పూల వ్యర్థాలు, ప్లాస్టిక్ వ్యర్థాల వైపు కూడా అడుగు పెట్టాం.ఇవి మాత్రమే కాదు, మేము పేపర్ వేస్ట్ తో కూరగాయల మొక్కలుగా కూడా ఉపయోగించగలిగే జీవ శైధిల్య పెన్సిల్స్ తయారుచేస్తాం.ఈ పెన్సిల్స్ లో విత్తనాలు నాటుతాం.
కరోనా వైరస్ వ్యాప్తి కారణంగా బట్టలు కుట్టగా మిగిలిన ముక్కలతో పునర్వినియోగించగలిగే పేస్ మాస్కులు తయారుచేసి స్థానికంగా ఉండేవాళ్ళకి పంచుతాం. దేశంలో సర్జికల్ మాస్క్ కొరత ఉంది కాబట్టి, మనం సర్జికల్ మాస్కులని రోగులకు, డాక్టర్లకి వదిలేయాలి.మిగతా వాళ్ళు సరైన జాగ్రత్తలు తీసుకుని, సామాజిక దూరం పాటిస్తే సరిపోతుంది. మనకున్నది ఒక భూ గ్రహం మాత్రమే, అందులోనూ పరిమిత వనరులు ఉన్నాయి. అందుకని వ్యర్థాన్ని తగ్గించి, రీసైకిల్ చేసి, పునర్వినియోగిద్దాం!”